Югъ а югъ хьурай хьи…

2013-йисан майдин вацран 19. Махачкъала шегьер. Шегьердин Урус Девлет Драм Театрдин вилик квай майдандал лезги интеллигенциядин векилар кIватI жезва, ахпа тилит-тилит театрдин дараматдиз гьахьзавай. Ина къе чи тарихда сифте яз лезги халкьдин эпосдин бинедаллаз кхьенвай «Шарвили » операдин премера кьиле фида. Адет яз, зун са тIимил фад атанва. Зи кьастI операдиз килигиз  къвезвай лезги интеллигенциядин вири векилрихъ галаз акуна, гафарин ва гьалар чирун тир. Икьван чи вилик-кьилик квай ксар санал кIватI хьуни и мярекатдин дережа мадни виниззавай. 

Эквер уьлуьхъзава, вирида фадлай виливди хуьзвай чIав агакьзава. Сегьнедиз лезгийрин дегь чIаварин пекер алай ва чи пакагьан музыка гвай ксар акъатзава. Им рикIивайни чи културадин уьмуьрда вилик вегьенвай са еке кам, виниз хкаж хьанвай са чIиб тир. ЧIехи гъуцар ваз куьмек хьурай, играми Мегьамед муаллим! Югъ а югъ хьурай хьи, чи хайи чIалал операдиз килигдай югъ кьисмет хьурай чи халкьдиз!

«АЛАМ»

 

Добавить комментарий

Ваш адрес email не будет опубликован. Обязательные поля помечены *