"АЛАМ" - Лезги културадин журнал

15№2 (16) ДЕКАБР 2016
Новый номер журнала "АЛАМ" уже в продаже!
Ознакомиться с темами номера можно тут.

“МАРВАР”ин мярекатар

“МАРВАР”ин мярекатарАдет тирвал чи межлис гьар вацран садлагьай кишдиз кьиле фида. Октябрдин вацра и югъ Къурбан сувариз аватайвиляй, вацран 11-даз кьиле тухудай къарардал атана. И югъ чи хъсан марварви, ругьдин булах хьиз авахьзавай шаир Шагьмардан Агъакишиеван хцин мехъер югъ тир. Чаз кьве къат хвеши хьана. Чун мехъерихъ, Хачмаз райондин Лечет хуьре кIватI хьана. Шагьмардан муаллимди чаз чка гьазурна ва «МАРВАР» вичин регламент тирвал сятдин 2-лай 5-ди кьиле фена.
Шаирар Вакъиф Муьшкуьрви, Римма Гьажимурадова, Билал Адилов, жегьил шаир Тачир Аташов, гьакIни сифте яз рехи кас (агъсакъал), са шумуд ктабдин автор Мегьамед Ага, кIелзавайбуруз юмординни сатирадин шииррин устIар хьиз  чидай Магьсим Магьсимов, чи шаиррин эсерар урус чIалаз элкъурзавай Бести Нифтиева, машгьур чIугвар Дарвин Велибегов, «Алам» журналдин кьилин редактор Камран Къурбаналийрин, этнограф Абир ЭчIехви, чи “Левитан” Руслан Шейдаев, кхьираг Шихжамал Шихжамалов, чи экуь кас (интеллигент) Бегьрам Залов, гьакIни «Марвар» литератур кIватIалдин кьил Гуьлалийрин Эйвазни межлисдиз атанвай. Межлис пара иер гьалара кьиле фена.

“МАРВАР”ин мярекатарГьелбет, межлисди иесидиз и шад йикъан баркадалди кьил кутуна, гьакIни «АЛАМ» журналдин патай Камран муаллимди мукьвара мехъер хьанвай жегьил шаир Тачирни мубарак авуна, пешкешарни гана. Баркаяр идалди куьтягь хьанач, нубат мукьвара кьве чIалал (лезги, урус) сифте ктаб чапдай акъатнавай Билал Адиловал атана. Руслана адан шиирар кIелна, Билалани виридаз автограф алаз ктабар бахшна. Атанвайбуру чпин цIийи эсерар кIелна, гьар сада вичин фикир лагьана. Хайи чIалан иервилин лезет кьабулна. Марварвийрин чIехи пай са шумуд юкъуз Шихжамал муаллимдин «Чан алай мейит» тIвар алай гьикаядин таъсирдикай хкатнач.
Межлис мехъердин суфрадин къерехда давамна. Ахпа МАРВАРвияр деминиз атана, лечетвийрин рикIел аламукьдайвал иштиракна, микрофон кьуна... Чи иер «ШАГЬДАГЪ» ансамблдин авазрал ял ягъана.

 * * *

1 ноябрдиз «МАРВАРдин» 17-лагьай межлис Худата, чи экуь кас Бегьрам Залован теклифдалди адан кIвале кьиле фена. Са шумуд сефер чи межлисда иштирак авур Бегьрам муаллимди чаз вичин вар, чими къул, рикI ахъайна.
Межлисдиз Медет Арзуманов, Вакъиф Муьшкуьрви, Магьсим Магьсимов, Шихжамал Шихжамалов, Камран Къурбаналийрин, Шагьмардан Агъакишиев, Римма Гьажимурадова, Билал Адилов, Бести Нифтиева, Жавид Миграгъви, Элдар Ферзалиев, Зиядхан Мурадханов, Руслан Шейдаев, Тачир Аташов, Эйваз Гуьлалийрин атанвай. “Марвардиз” мугьман чи машгьур журналист, алим, кхьираг, драматург Фейруз Беделов тир. Межлис вичин регламент тирвал, гьакIни пара иер дискусиядин, критикадин, гьалара кьиле фена. Атанвайбуру чпин эсерар кIелна, фикирар лагьана. Медет Арзумано­- ван уьмуьр, тIал, фагьумдин кьакьанвал авай цIарарин иервили  вири мягьтеларна.
«Самур» газетдин сифте редактор, алим-кхьираг Фейруз муаллимди чаз вичин мурадар, хвешивал чирна. «РикIин гаф» тIвар алай чIехи мектебдикай, а межлисдикай рахана, чи рикIериз экв кчахна. 

2 4

 

«АЛАМ»

 

Добавить комментарий


Защитный код
Обновить

Главная Статьи “МАРВАР”ин мярекатар