"АЛАМ" - Лезги културадин журнал

15№2 (16) ДЕКАБР 2016
Новый номер журнала "АЛАМ" уже в продаже!
Ознакомиться с темами номера можно тут.

«МАРВАРдин» экуьнал

"МАРВАРдин" экуьналЧун мад сефер агатна, 
Кьенин ризкьи шиир хьуй. 
Чи эквуьнал атанвай 
Квез и чIаван хийир хьуй. 

И гафарив шаир Гуьлалийрин Эйваза Бакуда "АЛАМ" лезги културадин журналдин реакцияда «Марвардин» нубатдин кIватIал ахъайна. Мярекатдиз зарияр Вакъиф Муьфкуьрви, Римма Гьажимурадова, Адил Къайибханов, Гуьнеш Мов­- ланов, Абил Алиев, Абир ЭчIехви, художник Дарвин Велибеков, гьакIни жегьилар Анар Уьнуьгъ­ви, Рауф КIурви, Мурад Гьажибабаев ва Элнара Ризванова атанвай.
Гьар сеферда хьиз и мярекатни шиирдин ва прозадин кимел элкъвена: Зари Гуьлалйрин Эйваза Марварвийрини иштиракай Дагъустанда Забит Ризванован 90 йисан юбилейдиз талукь тир мярекатдикай ва вилик галай планрикай эхтилатар авуна, вичин шиирар хуралай лагьана, кIватI хьанвайбуру шаирдин шиирризни рахунриз яб гана. Вакъиф Муьшкуьрвиди Забит Ризванован экуь ругьдиз кхьенвай прозадин эсер, Римма Гьажимурадовади "Аваки", "За мукафат низ гудай" шиирар, "Гъил хийла" басня аудиториядиз кIелна. РикI гафарив ацIанвай Адил Къайибханова "Булах я зун", "Гвадарзава", "Вуч иер я" шиирар кIелна. Шаир Гуьнеш Мовланова "Хьил­ни Ясаб" ва алкоголдин гъиляй ажуз хьанвайбур критика ийизвай "Алкаш" шиирар кIелна. Публицист этнограф Абир ЭчIехвиди Гъажи Давудан хайи хуьр Деделидиз ва Къебеледин хуьрериз финикай, ана кьиле тухвай крарикай эхтилатар авуна. Художник Дарвин Велибекова дуьняда харусенятда алай девирда физвай процесрикай малуматар гана. Мярекат хъсан, хвешивилин агь­вал­дивди кьилиз акъатна.

Анар Уьнуьгъви

Войдите или зарегистрируйтесь, чтобы получить возможность отправлять комментарии.

Главная Статьи «МАРВАРдин» экуьнал