"АЛАМ" - Лезги културадин журнал

15№2 (16) ДЕКАБР 2016
Новый номер журнала "АЛАМ" уже в продаже!
Ознакомиться с темами номера можно тут.

Лезги културадин дамах

Лезги културадин дамахАлай йисан 15 апрелдиз Дербентда Лезги театрдин дараматда Дагъустан Республикадин културадин лайих кIвалахдар Ашукь Шемширан 45 йис тамам хьуниз тагьлукьарнавай чIехи мярекат кьиле фена. Шемширан буба фийиви Ашукь Ширинан «Дагъустандиз саламар лагь» манидив ахъа хьайи мярекатда чи халкьдин экуь инсанри, зарийри, алимри, журналистри, ашукьри иштиракна, юбиляр мубаракна, адан туькIуьрунрикай гаф ахъайна, гьакIни ашукьдин буба чIехи сеняткар - Ашукь Ширинакай рикIелхкунриз майдан гана.
Са хзандин векилар, Ширинан рухваяр тир ашукьар - Айдуна, Шемшира, Симсара, Рамазана, Перваза, Сервана, гьакIни хтулри атанвайбуруз чи чуьнгуьрди ванзамайди субутна.
Дагъустандин халкьдин артист Тарлан Мамедова, лайих артист Рустам Къарибова, Фаризат Зейналовади, тIвар-ван авай ашукь, Мичегьви Османан рухваяр тир Ашукь Алихана ва Ашукь МутIалиба, зуьрнединни кфилдин машгьур уста Изам Улубегова, Ахцегьин ашукьри межлисдиз верцIи нефес, иер гьава гъана.
Са шумуд халкьдин векилри, шаирри, алимри, гаф лагьай межлисда «АЛАМдин» тIварцIелай «Марвар» литератур кIватIалдин регьбер шаир Гуьлалийрин Эйваза иштиракна. Ада любилярдиз талукь баркадин гаф лагьана, журналдин тIвар­целай - «Лезги културадин дамах» диплом, гьакIни «АЛАМдин» сериядихъ кваз акъатнавай Лезги Няметан ва Бажиханум Исаевадин улубар сеняткардив агакьарна. ГьакIни вичин рикIин гафар шиирдалди агакьарна:
Ашукь Шемшираз

Ашукь Шемшир, хурал чуьнгуьр
И межлисдин сир хьана.
Дидедин чIал, авазрин хал
Гевгьер хьана, дуьр хьана.

Абдул, Нуьсрет алатайла,
Усман, Ширин хкатайла,
Зун Шемширав агатайла
Заз и сенят пIир хьана.

Масад хьана зи гьай- гьарай,
ХупI ргана гьиссерин цIай.
И чIуьнгуьрдин симерив гвай
Аламатар чир хьана.

Дидед чIалал чкIуриз ван,
Меце Ватан, рикIе Ватан.
Вуч иер я, чан зи хзан
РикI гафунин хир хьана.

Ашукь я квел, шаир Эйваз
Зи стхадал мукъаят къваз.
Са чIавузни такурай чаз,
Дуьня накъвад вир хьана.

Жегьил шаир Владик Батманова тухузвай межлис пара иер гьалара кьиле фена.

«АЛАМ»

Комментарии   

0 #2 Са маса Лекь 15.03.2017 16:00
Лекь, вуна дуьз лугьузва, вах галаз зун рази я.
Цитировать
+1 #1 Лекь 13.03.2017 21:48
Ашукьар, чуьнгуьрар ц1апаригай кьабулнавай ва лезгийрин культура ц1ап патах ассимиляция айизвай к1валахар я. Чи Лезги культура пара усал я. Чаз са горский, дамах гудай зат1ни авач. Чи манияр (авазар) ц1апаш ва индус жуьре я хьанва, чи кьуьлер ц1апаш ва этмени (гьайратрин) жуьре хьанва.
Дагъустанда чи современный Лезги манияр ван къверла заз регъуь жезва, вучиз лагьайт1а абурун ритмаяр (мотивар) ц1апаш, эрмени ва индус жуьре я. Вики манияр рушарин т1варарикай я ва к1анивиликай (К1анивал кьий абурун!). Ашукьар, чуьнгуьрар, ц1апаш ва индус жуьре манияр, папан ванцелда Мани к1елзавай итимар, ц1апаш ва эрмени жуьре кьуьлзавай танцорар вири ибур юх хьурай! Амин!
Цитировать

Добавить комментарий


Защитный код
Обновить

Главная Статьи Лезги културадин дамах