Я хийир чидач, я зарар,
Са гафунал кьаз туш къарар. Иеси кьей къавах тарар –
Тан тIимил, чкал гзаф я.

Я дуст чидайд туш, я мидяй,
Туна чанда пара идяй,
Арадал алачиз фидяй,
ГьакIан къалмакъал гзаф я.

Сивевай гаф – «валлагь, биллагь».
Кар чидайбур туш гьакъиллагь.
Гьар дяведа чпин силагь
Дергецни мукал гзаф я.

Заз акуна шумуд чанар,
Крар зурба пагьливанар. Чи Куьреда безирганар –
Kap тIимил, гьамбал гзаф я.

Гафар – зурба, крар – бада
Уьше тефидай эхирда.
За фагьумна: чи нехирда Жунгав – кьери, кал гзаф я.

Фагьумнамаз вичин фурма:
Бухари хъицикь я бурма.
Жедач чи тамара хурма –
ЧIуру хват, чумал гзаф я.

АватIа ван жедай япар,
Сулейман, на ая хабар,
Фагьумайла: яшар – санбар,
Акьулдиз аял гзаф