Бубайрилай амай аманат, ахгакьна чав саламат

Са халкьдин чка, уьмуьр, адетар, култура, чIалан къуват ва мсб. акваз кIанзавай касди а чIалал рахазвай халкьдин бубайрин мисалар тупIалай авуртIа, а халкьдикай кIаникьадар малуматни чирваладазгьа мисалрай жагъида. Мисаларни хьи, уьмуьр финвай гзаф жезвай, кьатIун дерин хьунивай мана ахъа жезвай затIар я. ГьакI яз, абурун винел даим кIвалах тухун, цIийибур ахкуна винел акъудун чаравачир кар я.
Алатай йисуз  Гьаким Къурбана гьа и рекьяй кIвалахна арадал гъанвай «Лезги халкьдин мисалар» тIвар алай улуб чи литературада чIехи вакъиа я. Ам чаз икьван гагьди акур чи халкьдин бубайрин мисалрикай кхьенвай вири улубрилай яцIуди ва метлебквайди я. Чка атанвайвал, кIватIалдиз 15 агъзуралайни гзаф бубайрин гафар гьатнава. ГьакIни чIалан михьивили ва хцивили амайбурулай тафават квайдини хьанва. ЯтIани, улубда Къуба патан лезгийрин меце -чIала авай гзаф мисалар гьатнавач. Малум месэла я хьи, и кар гуьнгуьна кутун патал азим йисар кIвалах тухун герек я. И кар патал виридалай хъсан рехъ гьар кIелай, акур касди вичиз чидай, анжах улубра гьатнавачир мисалар гьа улубрин авторрин электрондин почтуниз, газетрин, журналрин редакцияйриз агукьурун я. Бубайри лагьайвал, вирт кенида чIижре кьван зегьметни къачуна канда.

Добавить комментарий

Ваш адрес email не будет опубликован.