Келентер Келентерли – 90

09.04.2023-аз Кцара, Юкьван Улубрин к1вале «Марвар» к1ват1алдин 76- лагьай мярекат кьиле фена. Мярекат, мукьвара 90 яш хьанвай т1вар- ван авай шаир Келентер Келентерлидин рик1елхкуниз талукьарнавай. Шаирдин дустар, хуьруьнвияр, мукьвабур, къелемдин юлдашар, манидарар, поэзиядал рик1 алайбур санал агатнавай.

Ван алаз, хъуьруьнрив кьиле фейи межлис виридан рик1яй хьана. Пакудай хтанвай профессор Эшреф Баламетов, этнограф Абир Эч1ехви, журналист- кхьираг Этибар Ст1урви, журналист Камран Къурбаналийрин, шаирар Вакъиф Муьшкуьрви, Римма Гьажимурадова, Жуьмшуьд Айдемиров, Эйваз Гуьлалийрин, Элмар Иманкъулиев, гьак1ни Видади Зуьлфулкъаров, Элшад Шалбузов, Деврулла Къемберов, Ашурбег Сейдиев, Шамил Балаев, Расим Бакаров, Оруж Оружов шаирдин уьмуьрдин рекьикай, тук1уьрунрикай, адан кьисметда хьайи пис, хъсан крарикай рахана, рик1ел хкана, шаирдин шиирар к1елна. Манидарар тир Ашукь Адилани Руслан Межвуллаева Келентер малимдин шиирриз туьк1уьрнавай манияр тамамарна. 8 жуьз хкягънавай эсерар авай, кьве ч1алал кхьенвай шаирдиз мани кутугарнавай шиирар авачир кьван.

Келентер Келентерли 1933 лагьай йисан мартунин 20-аз Кц1ар райондин Ст1уррин хуьре дидедиз хьана.
Залан кьисметдиз, дяведин йисарин аялвилиз, етимвилиз, четинвилиз эхна, хур гана уьмуьр кьиле тухвай шаирдин поэзиядин, инсанвилин дуьня зурбади, кьакьанди хьана. Колхозда к1валахна, мектеб зурак1 туна ник1ера, хперал, маларал хьана. Хъуьт1уьзни базардал тенбек гуз мажбур хьайи шаир тарс гайи муаллимдиз акуна, а касди к1вализ хутахна, к1елунив агуд хъавуна. Къубадин педагогикадин техникум акьалт1арна, гуьгъуьнай Азербайжандин Педагогикадин Инситутда чирвилер къачуна. Литературадин дернек кьиле тухвана, ц1удралди жегьилдин гъиликай кьуна, газетра, журналра, радиода к1валахна, са шаирдин уьмуьр кьиле тухвана. 2012 лагьай йисуз рагьметдиз фейи шаир, Кузуна дидедин патав кучукнава. Аллагьди рагьметрай.

Комментарии к статье “Келентер Келентерли – 90

  1. Келентер муаллимдиз къени-къени регьмет хьурай. К1арк1ам шаир хьиз гзаф къакъан лезги руьг авай, къени къилихрин, ч1ехи-гъвечи тахьана виридах гьуьрметдиг эгич1дай, виридаз галайвал ийиз алахдай ит1ем Кас т1ир. Вичин руьгьер шад хьурай!
    Мярекат къигей кьегьал Ксарин ччанар сагърай, чпиз аллагьди яргъи уьмуьр гурай!
    Сед хьайиф, гьукуматди ин ч1ехи шаирдиз тагьлукь т1ир мас ганач…

    1. Mярекат арадал гъай стхайрин чан сагърай, гъуцар абуриз куьмек хьурай абуриз ч1ехи агалкьунар мурадзава

    2. Азербайжандин чинебан къуллугърин (к1анерикай чириз-хълагьдайбурун) гъилибан тир куь Келентар. Ахьтинбурукай шаирар жедайди туш.

  2. Mярекат арадал гъай стхайрин чан сагърай, гъуцар абуриз куьмек хьурай абуриз ч1ехи агалкьунар мурадзава

Добавить комментарий

Ваш адрес email не будет опубликован. Обязательные поля помечены *