ЧIал чи бахт я

И мярекат гъиле авай йисан майдин цIуругудаз Дербент шегьердавай Лезги Девлет Драм Театрдин чIехи залда кьиле фена. Сятдин цIусадаз кьил кутур мярекат нянин кьудалди ялни ягъун тавуна давам хьана. Къемеди акъатайтIани, чIалан проблемар хкажун патал атанвайбурун пара паяр лезги чIалан муаллимар тир. Конфранс сифте гафуналди ахъайай ва доклад авур филологиядин илимрин доктор Ф. Нагъиева «Алам» журналдин вадлагьай нумрада хкажнавай чIалан месэлайрихъ  галаз санал мад са шумуд цIийи проблем хкажна. Гуьгъуьнай рахай КIирийрин, Муьгъерганрин, ЛукIарин, КIелетрин, Кьасумхуьруьн, Белиждин мектебрин муаллимрини чIалан программайра авай татугайвилерикай, хайи чIалаз чара авунвай сятрин тIимилвиликай, чIалан ктабра авай рехнейрикай гаф кудна. Филологиядин илимрин кандидат Нариман Абдулмуталибова конфрансда вилик акъудай проблемар гьялдай рекьерикай рахана. Тохо-Годидин тIварунихъ квай Институтдин директор, Дагъустандин республикадин парламентдин депутат, филологиядин илимрин доктор Гьамидулла Мегьамедова конфрансда эцигай месэлеяр гьялиз куьмек гуда лагьана гаф гана.
Къенин йикъан лезги чIалан Мукьвал Азиядин дегь чIаларихъ галаз гекъигунар тухузвай ва и цIарцIай илимдин жагъурунрикай доклад ийизвай профессор Ярали Яралиевахъ эхирдал кьван яб гудай сабур (элементар култура) авачирбурни конфрансдин залда са тIимил авай.

«АЛАМ»

Добавить комментарий

Ваш адрес email не будет опубликован.