И мукьвара Гьукуматдин КцIарин Лезги Драмтеатрда корифей сеняткар, милли музыкадин пун эцигай Уьзейир Гьажибегован либретто ва музыкадин бинедаллаз арадал гъайи «Ам тахьурай, атIад хьурай» тамаша сегьнедал эцигна. Гьелбетда, кIелзавайда лугьунни мумкин я: эхир и эсер агъзур сеферда сегьнедал эцигнава, адаз къурулуш гун вуч четин кар я кьван?! Анжах ваъ, гьар са режиссёрдин, актердин эсер, рол кьатIун, адал чан гъун патал алахъунар авун масакIа я. Вучиз Мешеди Ибад чаз гьамиша Элиагъа Агъаев ва я Гьажибаба Багъиров хьиз акуна, гьамишани азербайжандал рахана кIанда? Тема виридаз хъсан чизвайтIани, малум персонажар хайи чIалал рахуни, ихтилатрик милли колорит кутуни, актёррин пешекарвили тамашачияр кIевелай желб авуна. Чаз вири коллективдин, иллаки Багъир Агьмедован (Мешеди Ибад),
Ялчин Къараханован (Сервер), Эсмира Пашае- вадин (Гуьлназ), Гьесрет Насруллаеван (Руьстем бег), Руьбабе Къасимовадин (Сенем), Вуьсал Къараханован (Рза бег), Юра Керимован (Гьасан бег) къугъунар, яратмишзавай образар къейд ийиз канзава.
Кьвед лагаьай пландин ролар тамамарзавай Земине Агъавердиева, Афет Гьуьсейнова ва масабурни чпин кIвалахдин вягьтедай хъсан атана. Ихьтин разивилин гафар тамашадин музыка туькIуьрнавай Фергьад Хелилован адресдизни лугьуз жеда.
Жавид ТАГЬИРОВ