Гафар Билал Адилованбур я

Бакуда лезги културадин макан «Самур», гьакIни «Алам» лезги културадин журналдин куьмекуналди апрелдин кьведаз Жегьил Клигаррин Театрда лезги музыкадинни поэзиядин чIехи мярекат кьиле фена. Мярекат сифте гафуналди Бакудавай «Самур» лезги културадин макандин регьбердин мавин Имран Рзаева ахъайна.

Кьуд варз вилик чарцел алай и проект кьилиз акъудун патал Зари Билал Адилова композитор Къегьриман Ибрагьимовахъ галаз меслятрик кьил кутуна, са тIимил чIавуз яхцIураз мукьва мани арадиз акъуда. Абур лугьудай манидарарни жагъурна, абурухъ галаз меслятарна.

Гулангерек Ибрагимова, Азиз Мирзабеков хьтин зарийрихъ галаз тондем туькIуьрна концерт программяр арадиз акъуддай тежриба авай композитор, интуицияди и сефердани алцурнач. Лугьуз тежер кьадар иер са прграмда Дагъустандин халкьдин артистар Роза Максумовадини Фаризат Зейналовади, Дагъустандин лайих артистар Руслан Пирвердиевани Бесханум Абдулмуталибовади, артис­тар Бахтияр Саидовани Ма­- гьира Шириновади, Седакъет Саидовади, Ислам Велихановани Исламани Мая Алимутаевади гьакIни Расим Бакарован регьбервилик квай «Кард» ансамблдин солист Рофел Къачабеговах галаз Завир Нежефован регьбервилик квай «Жигитар» куьлердай ансамблди сегьне пайнавай. Сад-садалай хъсан манияр, сад-садалай хъсан манидарар залдавайбуру яргъал фейи капаралди рекье твазвай. Мярекат тухузвай Бакудавай лезги радиодин редактор Руслан Шейдаевни КцIаравай лезги театрдин актриса Камале Сафаровади гьар са манидилай вилик лугьузвай шиирри залдавайбур суьгьуьрдик кутазвай. И мили атмосферади мярекат лезги манидин сувариз элкъуьрнавай. 360 кас авай, пуд сятни зур кьиле фейи суваррин мярекат тарихда твазвай операторар Ша­ик Къардашов ва Октай Къа­чабеговни абурун кьиле авай Роберт Къайитмазовни чпин кар­- див профессионал къайдада эгечIнавай. 31 цIийи мани сифте яз презентация хьайи и мярекат кьуьтягь хьайитIани жемятар чкIизвачир. Абур гьелени цIийи манийрин суьгьурдик кумай. Зари Билал Адилованни композитор Къагьриман Ибрагьимован и тондемди чи халкьдиз цIийи манияр, «Алам»дизни цIийи кIелдайбур бахшна.

 

“АЛАМ”

Добавить комментарий

Ваш e-mail не будет опубликован.