Усманов Гамзат Абумуслиман хва

1997-йисан 17-мартдиз Магьарамдхуьруьн райондин Кучунрин хуьре дидедиз хьана. Шаирвилин сирер ада мектебда кардик квай «ИЛГЬАМ» кружокда чирна. ИкI 2015-йисан январдиз Гамзата сифте кам вегьенва.

Сифте яз Гамзатан шиирар «Самурдин сес» газетдиз акъатнава. Кчунрин юкьван мектеб лап хъсан къиметралди акьалдарай Гамзата Новороссийск шегьерда медицинадин колледжда кIелзава.

Азиз диде

И дуьнядал валай багьа
Жедайди туш заз каниди.
ГъвечIи чIавуз хвена бала
Азиятрив, на багъриди.

Ви лайлаяр ширин мецин
Ама диде, зи япара.
Ви гафар за къене рикIин
Хуьда диде, виш йисара.

Такурай заз пашмандиз вун,
Нагъв тахьурай ви вилерал.
Азиз диде, гъафилмир зун,
Валай багьад жеч чилерал.
Шиир кхьиз вакай диде,
Пара сагърай лугьузва ваз.
Гьамиша вун аваз рикIе,
Жуван уьмуьр тухузва за.

Вун мектебдин рикI я малим

Чирна на чаз кIелиз, кхьиз,
ЧIехи касдиз гьуьрмет ийиз.
Зун къурбанд хьуй а ви рикIиз
Вун мектебдин рикI я малим!

Акъудда за, кьилиз тахьай,
Куьне лагьай вири гафар.
Дидед чIалан гузвай тарсар
Вун мектебдин рикI я малим!

Комментарии к статье “Усманов Гамзат Абумуслиман хва

  1. Я Аламдин к1валахдарар!
    Куьне вучиз шаиррин шиирар квез к1андайвал хьиз кхьизва? Вучиз эдебиятдин орфографиядиз фикир гузвач?Садлагьай строфадин кьведлагьай ц1арц1е вучиз «заз каниди» кхьенва? Шииррин автордиз идакай малумат авайди ян?

Добавить комментарий

Ваш e-mail не будет опубликован.