Чна журналдин виликан нумрайрикай сада хабар гайивал лезги халкьдин шаир ва адиб Забит Ризванова (1926-1992) вичин уьмуьрдикай кхьенвай къейдер, гьа жигьетдай амай эсерринни лап чIехи пай, гьеле санани чап ийиз хьанвач. Шаирди вичин аял чIаварикай авур ихтилатар «Алам» журналди кIелдайбурув агакьарнай.
Гила чна адан хва Ризван Ризванова, вичин бубадин «Вуч квадарна, вуч къачуна» кьил ганвай гегьенш рикIел хкунрикай мад са чIук гьазур хъувуна, чав агакьарнава. Ина ихтилат шаир гъвечIи чIавуз КцIар райондин Агъа Лакар хуьре бадедин кIвале уьмуьрай йикъарикай физва ва а бередин (алатай эсирдин 30-лагьай йисар) са бязи къайдайрикай акъалтIай мас авай малуматар гузва. И малуматар неинки кIелдайбуруз, гьакIни чи халкьдин тарих ва литературадин тарих чирдайбуруз гзаф герек къведай гьакъикъи делилар я.

«АЛАМ»