Дуст хъфена а дуьнядиз…

Худат шегьерда са викIегь кас авай тир: Гьажиев Агъасемед-Къурушви!
И мукьвара зал рикI чIулавардай са хабар агакьна: Зи дуст(сатIул)Агъасемед пудкъанницIипуд яшда аваз рагьметдиз фенва.
Заз геж хабар хьуниз килигна, зун а касдин садлагьай гъвейифдиз кIвализ фена… Мукьва-кьилияр, ярар-сатIулар кIватI хьанвай. Агъасемедан чIехи хва Рафета бубадин тIварциз лайих межлис туькIуьрнавай… Чай хъваз-хъваз зи рикIел адахъ галаз чирхчир хьайи чIавар, мел-мехъерик тIуьр-хъвар вядеяр, мярекатрал кьиле фейи гьуьжетунар… хквезвай.
1990-йисан сифте кьилер тир, чна Худата «Муьшкуьр» тIвар алай лезги къенивилин тавхана туькIуьрнавай. Адан активистрикай садни Худатин консервиярдай заводдин кьилин технолог Гьажиев Агъасемед тир. И кас къанунрикай хабар авай, вичин кIвалах хъсан чидай, фялейрин къадир чидай, хайи халкьдин таъсиб хуьдай, чи културадикай, литературадикай гегьенш малумат авайди итим тир. А.Гьажиева пуд йисуз «Муьшкуьрдин» кьилевайдан муавинвиле зегьмет чIугунай.
Дагъустандин халкьдин кхьираг Межид Гьажиеван мирес тир Агъасемедаз дегьрин кьатIунар, хайибур кан хьунин гьиссер хас тир…
Кьуд рушанни кьве хцин буба хьайи Агъасемедаз аялар гзаф кандай…
Макъаладин эхирдай заз адан мукьва-кьилийриз —
«Агъасемедаз Аллагьди рагьмет авурай, сура нур хьурай, Куь чанар сагърай!»-лугьузва.

Вакъиф Муьшкуьрви

Добавить комментарий

Ваш адрес email не будет опубликован.