Наримадин элкъуьрунар

Гьар жуьре, гьар сад са хесетдин инсанар ава и дуьняда. Бязибуру халкь паталди авур са гъвечIи кар виле тваз, вичин тариф хважиз, вичи вич пиар ийиз алахъда. Бязибуру лагьайтIа, кьил чиле туна чпин кIвалах аквада, хайи тарих, култур вилик тухун патал халис къагьриманри хьиз зегьмет чIугвада. Эгь, вичиз са хийир, тариф гуьзет тавуналди халкьдин рекье каца язвайди асул кьегьал тушни? Къе чаз ихьтин са таватдихъ галаз куьн танишриз канзава, играми кIелдайбур. Ам интернетда лезгийриз талукь шумудни са проектдин кирам я. Амма санани ада вичин тIвар кьаз алахъдач, чIехи крарин кьулухъ чуьнуьх жеда. Гьикьван чIав тир, «Алам» журналдиз Нарима Агьмедовадикай кье гаф кхьиз канз. ЧIалахъ хьухь куьн, гьар сефердани хъуьрез- хъуьрез « За вуч ийизва кьван, кхьидайвал » лугьуз кьил къакъудзавай ада… Амма гьар са печатдин органдин вилик акъвазнавай гьечейрикай садни ихьтин инсанар винел акъудна чешне къалурун я. Чнани амалзава и принципдиз.
Нарима Агьмедова Кьурагь райондин Гелхен хуьре чIехи хьанва, анани юкьван мектебда кIелнава. Эдебиятдиз авай гьевесди ам Дагъустандин Девлетдин Университетдин филология факултетдиз гъанай. 2005-йисуз кIелун акьалтарай Нарима кьисметди Ватандивай яргъаз -Астрахан шегьердиз акъудна. Алай чIавуз и шегьерда уьмуьрзавай, са кIус дамах гвачир и таватдиз дерин литературадин кьатIунар, чIалан, тарихдин чирвилер ава. Жуьреба социал сайтара лезгийриз талукь кIватIалар туькIуьрна, абур вилик тухузвай Наримади гьакIни шиирар кхьизва, лезги чIалай урус чIалаз элкъуьруьнарни ийизва.

“АЛАМ”

РУБАИЯР

* * *
Мал-девлет кан жемир,нефс хуьх жуван,
Пулари ийидач чIанади кIубан,
РикI михьи, ният саф, кесиб ятIани,
Лап зурба хандилай винева чубан.

Не гонись за богатством, ты свой нафс* придержи,
Не в деньгах мы находим покой для души.
Коли сердцем ты чист, хоть бедняк, хоть чабан,
Благодарней в стократ, чем зажравшийся хан.

* * *
ЛукI тушни бес вичел кьве чин алайди,
ЧIагъ ятIани, къизил какул галайди?
Агуд мийир жуван патав хаинар,
Абур авай уьмуьр жедач къулайди.

Тот раб среди людей,в ком двуличие есть,
Галке перья златые вряд ли сделают честь,
Лицемеров к себе близко не подпускай,
Жизнь твою лишь испортят они,так и знай.

* * *
Вилиз таквадайди аквада рикIиз,
Гьакъикъат яракь я атIудай хциз,
ГалачтIа патав ви жуваз каниди,
Руьгьда къаяр жеда лап гатун цикIиз.

Сердцем чувствуем мы то,что скрыто от глаз,
Только в истине сила,в ней спасенье для нас.
Коль от нас далеко те,в кого влюблены,
Холод зимний в душе даже в летние дни.

* * *
Гаф акъуда жуван сивяй чурана,
ТахьайтIа ви берекат жеч курана.
Гьахъ патахъна нагьахъвилин пад къамир,
РикIел хуьх гьа, жаваб гуда сура на!

Прежде, чем слово молвить ,ты подумай стократ,
Ведь иначе лишишься земных всех наград.
Плюнув правде в лицо, не поддерживай зло.
Помни: нам отвечать в Судный день все равно.

* * *
Алахъа хабар кьаз масдан тIалдикай,
Чарадан руьгьдавай къалмакъалдикай,
Вине кьаз жува жув, лавгъавал мийир,
ЧIав къведа, куьцIуьда, вун ви гьалдикай.

Ты про горе чужое спросить не ленись,
Равнодушным не будь,к состраданью стремись,
Не слыви гордецом,самохвальство любя,
Ведь устанешь ты сам от такого себя.

* * *
Ахъайин жегьилар, за сир квез гила,
Руьгьдиз къаяр къведа йисар фейила,
Ая крар даим, жегьил амукьдай,
Пашман тежедайвал кьуьзуь хьайила.

Молодежь,я хочу рассказать вам секрет,
В жизнь грядут холода по прошествии лет.
Вы творите добро,чтоб осталось в веках,
Чтоб в конце не жалеть о зря прожитых днях.

Добавить комментарий

Ваш адрес email не будет опубликован. Обязательные поля помечены *