Аферин квез!

Дербентда кьиле фейи «Марвардин» мяректдиз тамашна. Заз гзаф хуш хьана, квехъ виридахъ сагъвал, хкахь тийидай илгьам, кхьинин ашкъи, руьгьдин къуватар хьуй. Гьикьван жегьил балаяр авай, кхьинни ийизвай, иердиз кIелни ийизвай, куьне абурни рикIелай ракъурнач, гаф гана, сегьнедал акъудна. Аферин! Бязи вахтара тIвар-ван авай, машгьурбур, залпанд алачир шивер хьиз, виликди, чпин хсуси мурадрихъди, хийиррихъди катда, кьулухъ вил ядач, кьулухъай къвезвайбур аквадач, гьатта кIуру яда. Ахьтинбур гьина хьайитIани чпин халкьдин душманар я. «Марварди» кьунвай рехъ масад я, гьавиляй адан суфрадал гуьзел жегьилар, бажарагълубур, чIижер хьиз, алтIушзава. Квез аферин! Са месэла мадни атана зи фикирдиз. «Бакувияр» рахадай чIавуз чунни гъавурда акьада, саки вири шаиррин шиирарни санални галкIун тавуна кIелиз жеда, акси яз, зун Къуба нугъватда хвена амай хайи чIалан гафари шад ийида, абур и патани чIалан активда гьат хъувуна кан жеда.
Куьн вири Сад Аллагьди хуьрай, куь рикIер шад хьуй. Аферин квез, вири и рахунар чи виридан рикI жуван халкьдихъ кузвайвиляй арадал аватзавайди я.

Пакизат Фатуллаева,
зари, Махачкъала

Добавить комментарий

Ваш адрес email не будет опубликован.