Вун авачиз

 Низами Генжеви                                               Уьзеир Гьажибегов

Гьар са йиф хьанва азаб, гъам-хажалат, вун авачиз,
Агьари кьунва нефес, туш саламат, вун авачиз!

Гала вил яр акунихъ, кьин кьазва ви бурма цIвелел,
Хьанва и мусибатни зал гьавалат, вун авачиз!

Агатиз вав хьайитIа, чIугварди рикI незва, мелек,
Умудар жезва зайиф, зунни галат, вун авачиз.

Зи вилик вун я чIехи, аквазва жув, яз усалди,
Вун – багьа, зун са гьешем, амач такьат, вун авачиз.

Килигиз, авахьна вил, бахтунин гъал атIанва зи,
Катизни гьич хъижезмач, квахьна къуват, вун авачиз.

На рикIяй акъуднава и Низами, архайин яз,
Йифни югъ чIичIзава за, тежез регьят, вун авачиз!

Лезги чIалаз фарс чIалай элкъуьрайди
Ризван Ризванов я.

Добавить комментарий

Ваш адрес email не будет опубликован.