Омар Къазиханов

Къазиханов Омар Мурадан хва 1997-йисан апрелдин 24-даз Птидхуьрел дидедиз хьана. Волгоградда Медицинадин колледжда кIелзава. Дидедин чIалал рикI алай жегьилди шиирарни кхьизва. Сифте яз «АЛАМда» вегьизвай кам барка хьурай жегьилдиз.

Эйваз Гуьлалийрин

Диде зи

Вун акунихъ вил гала хьи диде зи,
Агъзур хиял гьатнава къе рикIе зи.
Ви лайлайдин ван гьатнава кьиле зи,
Азиз диде, къакъат мийир чавай вун.

Акваз кан я, экв гузавай вилер заз,
Гъиле канда ви чими тир гъилер заз.
Чан диде вун, хьурай сивел хъвер алаз,
Азиз диде, къакъат мийир чавай вун.

Вун гекъигда верцIивилихъ дуьнядин,
Вини кьиле ацукьа чи суфрадин.
Берекат я, абур я чи хизандин,
Азиз диде, къакъат мийир чавай вун.

Добавить комментарий

Ваш адрес email не будет опубликован.