Азербайжандин урусрин к1ват1ал

Субектив веревирдар

Декабрдин 14 — даз Пакуда, Азербайжанда авай «Русская общинадин»  V- лагьай к1ват1ал  кьиле фена. «Цийи Азербайжан Партиядин»  кьилин дараматда туьк1уьрнавай меярекатда 300-аз  мукьвал делегатар, мугьманар  ва Азербайжанда акъатзавай (урус ч1алан) прессадин нуьмайендеяр(представителар) авай. «Аламдиз»   «Россотрудничестводин»  кьил Валентин Петрович  Денисова эвернавай.

Дуьз лагьайт1а, заз и к1ват1ал советрин вахтарин партиядин  к1ват1алдиз  ухшар акуна. Къал галачир, секинвилив, абурдив яб гузвай, капар ягъазвай.

За амани лугьун хьи, чи мярекатрилай тафават аваз , к1ват1алда урус прослав килисадин кешишарни авай. Яни диндин ва дуьняви тешкилатрин садвал авай. Диндин ряса алайбуру миллет патал тир мярекатдиз дестек гузвай. Чи мярекатра  лагьайт1а, фекьийри чи ваъ, арабрин идеологиядиз къуьн кутазва. И кардал муьмкуьн я чна Лезги тешкилатри,  хъсан, вилик  пад аквадайвал к1валахзавач. За са карни кьат1ана, урусрин тешкилатра дишегьлийрин кьадар 50%- дилайни пара  жеда.  Урусрин кьадар, са миллет хьиз чи республикада, чалай т1имил  ят1ани,  абурун сиясатда авай заланвал, мас чалай пара я лагьайт1а, зун ягъал жеч. Гьа инал за чи бубайрин мисалрикай сад вилик акъудда: «Садра акун, агъзур сефер ван атунилай хъсан я».



 Тагьиррин Абир

Добавить комментарий

Ваш адрес email не будет опубликован.