«Марвардиз» Лечетрин хуьруьн юкьван мектебдин, гьак1ни хуьруьн улубрин к1валин коллективди эвер ганвай. Февралдин 19-даз Вакъиф Муьшкуьрви, Римма Гьажимурадова ва Эйваз Гуьлалийрин Лечетдал илифна. Мярекатда мектебдин аялар, муаллимар, хуьруьн клубдин, улубрин к1валин к1валахдарар, хуьруьнвияр агатна. Лечетрин хуьруьн юкьван мектебдин директор Салегь малимди мугьманарни атанвайбур танишарна, Хайи ч1алан суварикай , кьет1енвилерикай ихтилатна. Чи зарийрин туьк1уьрунрикай рахана. Улубрин к1валин ч1ехиди тир Солмаз Багъишовади къенин йикъан иервиликай, ихьтин мярекатар фад-фад авуникай рахана. Мектебдин аялри чи зарийрин шиирар хуралай к1елна. Улубрин к1вале Дидедин ч1алан йикъаз талукьарнавай иер мярекат, асул поэзиядин ким хьана. Зарийри аялриз «Алам» журналдин паяр, чпин улубар, журналар, алманах пешкеш гана. Чи коллективдиз эвер ганвай чкаяр мадни ава. Лечетвийрин гуьгъуьнал чпирвияр ала.

Куьн паракьван сагърай, чан жуванбур.