«Б У Б А – ашкъидинни цIун арада»

И мукьвара Бакудавай «Низами» кино центрда Этибар СтIурвидин сценаридалди режиссер Васиф Мамедзадеди чIугунавай «Буба — ашкьидинни цIун арада» бедии-документал филмдиз прессадин  патай сифте килигуниз талукь мярекат кьиле фена. Фейи йисан октябрдин 24-лай  пландик кутуна гегьенш публикадин ихтиярдиз ганвай сеансар  кьилиз акъатнава.
Кинолент  Э.СтIурвидин «Буба» повестдин сюжетдин мотиврин пуналлаз чIугунва. Кирамри филмдин кьилин фабулада кьегьал са лезги жегьилдин вичин экуь пакаман туькIуьруьн паталди тухузавай женгинин рехъ жуьреба  наваралди лентиниз къачунва. Филмдин кьилин къагьриман ХХ виш йисан кьилера гьакъунин пайдах хкажна игитвилералди тIвар-ван акъуднавай къачагъ КIири Буба я. Адан рол филмда Эмин Севдималиева тамамарнава. Им жегьил актердин  кинода вегьизвай сифте кам я. Идаз килиг тавуна адавай гзаф наварин психоложи, гьакIни сад-садаз акси характеррин кIватIал тир- Буба образдин хивей лайихдаказ къвез хьанва.

ЦIийи филмдин сюжетрин чIехи пай КцIарин дагъдин хуьрера, Дербентда, Къубада ва Шабранда лентиниз къачунва. «Буба» филмда Азербайжандин тIвар-ван авай актерри, халкьдин артистар — Гьажи Исмайилова, Тариел Кьасумова, Ясин Къараева, гьакIни лайихлу артистар — Къурбан Исмайилова, Сугъра Багъирзадеди ва  Егане Гьуьсейнлиди чара-чара образрал чан гъизва. Са шакни авач хьи, абрун профессионалвили къугъвазвай ролар мадни ацайди ва тамамди хьуниз, эсердин аваданвилиз къуллугъзава.
Кинодин са бязи сегьнейра Бакудин, Дербентдин ва КцIарин девлетдин театррин актеррини иштиракзава.
Филм «S production” студияда чIугунава. Квевай филимдикай вири малуматар  www.shaxdagfilm.com сайтунай къачуз жеда.

«АЛАМ»

Добавить комментарий

Ваш адрес email не будет опубликован.