Чав и мукьвара рикI шадардай са хабар агакьнава. Чи журалдин редколлегиядин, гьакIни «Марвар» литературадин кIватIалдин член В. Муьшкуьрви Кхьирагрин Интернационал КIватIалдиз кандидатвиле гьахьнава!
ТIвар кьунвай и тешкилат Москва шегьерда кардик квайди, адан членвилиз виридуьнядин уьлквейрай кьабулзавайди белки гзафбуруз малум туш. КИКI-дихъ «Российский колокол» тIвар алаз 5 агъзур тираждалди урусдал акъатзавай ва дуьнядин 20 уьлкведиз физвай алманах ава. Алманахдин теклифдалди В.Муьшкуьрвиди вичин ругуд шиирдин элкъуьрунар редакциядиз ракъурайла, абур кьабул хьана. Алай йисан апрелдин тилитда чап жедайвал я. Чи ватанвидин шиирар са шумуд уьлкведа, а цIиргъинай Урусатда, АСШ-да, ЧIехи Британияда, Испанияда, Израилда ва мсб. кIелдайвал я.
“АЛАМ”ди редколлегиядин член Вакъиф МУЬШКУЬРВИ рикIин сидкъидай барка ийизва ва мад чIехи агалкьунар тIалабзава!