“Алам” журнал гъиле кьурла…

СажидинТар алачир чкадал къелем акIурун, адакай багъ авун, ам саламатдиз хуьн, анжах адахъ рикI кузвай багъманчидилай аслу я. «Алам» журнал, гьукуматдин куьмек авай са кьадар журналрилай цIуд сеферда гуьрчег, метлеб жегьетдай хъсан я, гьа са вахтунда, а журналдин чинрай неинки, бязи газет-журналра адет хьанвай хьиз, гьа журналрин къуллугъчийри чпин яратмишунар гузвач, абурулай чешне къачузвач. Квехъ куь улам ава.
Ана лезги халкьдин къени рухвайрикай, къадим тарихдикай, халкьарин дуствиликай, жегьилрикай малуматар ава, са гафуналди, куь журналдикай лезгийрин университет хьанва. Баркалла квез ва куь рикI алай юлдашриз, вири вахар-стхайриз. Килиг садра, куь журнал са сеферда кIелай касдин вил, яраб муькуь нумра мус акъатда лугьуз рекьел ала. Им куь гьар йикъан гата-галтугунилай, лезги халкь кан хьунилай аслу я. Квез сад тир Аллагьди мадни еке къуватар, агалкьунар, уьмуьрдин рекье, кIвалахда ва хизанда шадвилер хьурай:

«Алам» журнал гъиле кьурла, кІел ийиз,
Дуьнядиз са вил ачухай хьиз жеда.
КІвал эцигна, гьазур тир хьиз мел ийиз,
Жемят кІватІна, далдам-зуьрне гъиз жеда.

Бахтлувилел уьмуьр гьалдай кІвал хьтин,
Куь журналдихъ вафалу тир хизан хьуй!
Сад Аллагьди багъиш лезги чІал хьтин,
Адан гьар югъ экуьди ва хъсан хьуй!

Сажидинни яхъ куьне куь хизандай,
Куь шадвилик зини са кІус пай хьурай!
Са тІимил кьван куь журналдин гузандай,
КІус тІуьр чІавуз, хъвадай дадквай чай хьурай!

Сажидин,
зари

Добавить комментарий

Ваш адрес email не будет опубликован. Обязательные поля помечены *