Лезги кIвалин берекат!

Владик БатмановЧи далудихъ даим галай,
Бакудавай кьвал я «АЛАМ»!
Элдиз гьалал берекат квай
Емиш ширин сал я «АЛАМ»!

КIелзавайбур шадарзавай,
Къе лезги халкь садарзавай,
Квай нукьсанар квадарзавай,
Зи мез, зи ван, чIал я «Алам».

Ви гележег заз аквазва
Къе садбуру вун жакьвазва,
Ви гьар чинив зун рахазва,
Зи дамахар вал я «Алам».

Гьар лезгидин дамах я вун!
Лезги халкьдин пайдах я вун.
Гьар нумрадал хупI шад я чун
Заз бубадин кIвал я «Алам».

Гьич галатвал течиз зерре,
Камран, Эйваз ава кьиле.
Ви тIвар мадни хьурай вине,
Тарихдин ккIал я «Алам».

Влад Батманов

Добавить комментарий

Ваш адрес email не будет опубликован.