Ширбет Рзакъулиев

Дагъустандинни Азербайжандин лайих артист Ширбет Рзакъулиев 
26Къах туна зун, са межлисдиз атана,
РикIин кьилихъ галукьарна Ширбета.
«Хрусталдай» лезги чIалал рахана,
Хъуьрез-хъуьрез алугарна Ширбета.
РикIин кьилихъ галукьарна Ширбета.

Зи мефтедай, акъатзавач верцIи ван,
Вуч ягъана!? -«Аман бала суна чан!»
Цуьк ахъайна цуьк хьиз тада къайи къван.
Руьгьдин лепе ацукьарна Ширбета,
РикIин кьилихъ галукьарна Ширбета.

Чешме ргаз, раварилай алахьна,
Яб гун хьана, стIал хьана авахьна,
Гьахъдиз мукьва, пак алемдихъ акахьна
Гъил ченедихъ, атIугъарна Ширбета,
РикIин кьилихъ галукьарна Ширбета.

Заз акурди са аламат, сир я кьван,
Устад я кьван, кукIуш я кьван, пIир я кьван.
Рекьин тийир са сенятдин шир я кьван,
РикIиз лайла кутугарна Ширбета,
РикIин кьилихъ галукьарна Ширбета.

Эйваз

Добавить комментарий

Ваш адрес email не будет опубликован.