«АЛАМ»диз салам!

Вун тахьайтIа уьмуьрдин дуст фелек я, 
Халкьдин рекьел нур гуз авай мелек я. 
Заманадин тик жигъирра зирек я, 
Вал ашукь зун, вун акунихъ гьелек я. 
Хайи югъ ваз мубаракрай дуст «Алам», 
Хайи чилин верцIи пипIей ваз- «Салам!» 

Чинин нехиш, гамун цIилихъ, чивек я,
Ви гьар са чар хъуьтуьл, зар квай ипек я.
Вегьизвай кам ялав галай цIверекI я,
КIурукIдаваз цуьрцер гьалун герек я.
Хайи югъ ваз мубаракрай дуст «Алам»
Хайи чилин верцIи пипIей ваз -«Салам!»

Имран КИЧИБЕГОВ

Добавить комментарий

Ваш адрес email не будет опубликован.