Кхьинра авай лишанар ва абурун тlварар

Дуьнядин кхьинар авай чIалара са цIиргъ кьилди лишанрикай менфят къачуз жеда. Чи дидед чIалани гьакI я, амма чи чIала абурал, кхьинрихъ кутазвай лишанрал, талукь тIварар алач. АлатIани абур я урус чIалал, яни араб чIалал жезва.
Авай гьал фагьумда кьуна, зун и кардин винел са гзаф кIвалах авуниз мажбур хьана. Ингье, зи гъиле I982-йисуз Магьачкъалада Гьахъверди Рамалданова акъуднавай «Урус чIаланни лезги чIалан терминрин словарь» кьил алай улуб ава. Авторди сифте гафуна терминрикай, иллагь хьи чIалан, литературадин, педагогикадин терминрикай вичин веревирдер ийизва, ахпа сад-сад терминар гъиле кьазва, урус чIалал ва лезги чIалал гьикI жезватIа лугьузва. Амани къалурна кIанда хьи, авторди терминар  гьа урус чIалал авайвал туна, са бязи чIавуз куьлуь дегишвал кутуна гузва.
Играми кIелдай ксар, зун яргъал тефена терминрикай жуван фикирар агакьарунив эгечIда. Жуван фикирар за агъадихъ гузва:

Абзац — цIийи цIар.

Суалдин ишара — жузунин лишан.

Эвергунин ишара — эвргунин лишан.

Кьве точка — кьве тIинкI.

Дефис — куьруь цIар.

Запятая — цIирх.

Ковычкаяр — кIирер.

Гзаф точкаяр — тIинкIер.

Скобкаяр — хъвалахъар.

Точка — тIинкI.

Точка запятой — тIинкIни цIирх.

Тире — яргъи цIар.

Эхирдай заз вуч лугьуз кIанзава? За винидихъ къаланвай терминрин вариантар кьу рикIяй яни, тушни абур халкьди кьабулдани, кьабулдачни, — куь ихтияр я!

Вакъиф Муьшкуьрви,
зари

Добавить комментарий

Ваш e-mail не будет опубликован.