Анар Уьнуьгъви

 

КцIар райондин Уьнуьгърин хуьряй тир Анар 1981-йисуз Бакуда дидедиз хьанва. 1998-йисуз Бакудин №2 Лицей, Азербайджандин Девлетдин Экономикадин Университет ва магистратура яру дипломдив акьалтIарна.
Алай чIавуз са къецепатан компанияда финансрин меслятар гудайди кIвалахзава. Хзан ава.

«МАРВАР»

Ватан авач

ГъвечІи чІавуз ватандикай шиирар,
Заз чирзавай ватандихъ рикІ куй лугьуз.
Заз авайди зи жигъирар, зи пІирер,
Ватан авач! Амукьна зун куз-хъкъуз.

Дидедиз зун виридалай кани я.
Ватандизни чна диде лугьузва.
Заз авайди зи адет я, мани я,
Ватан авач! РикІин цІу зун къе кузва.

Жуван кІвале мугьман хьтин амукьна,
Уьмуьр физва Самурдин кьве патани.
Заз авайди зи сурар я, зи накьв я,
Ватан авач! Чакай хьанва са нини.

Ватан диде ятІа, вучиз дакан я,
Зи тІвар, зи ирс, зи чІал хайи дидедиз?!
Заз авайди зи тухум я, хзан я,
«Ватан авач!»- гьарайзава дигедиз.

Добавить комментарий

Ваш адрес email не будет опубликован.