Дербент — 2000

Лезгийрин “Шарвили” эпосда Кьвевар хьиз гьатнавай Дербент шегьердин тIвар тарихдин чара-чара чIавара Къавкъаздин варар, Алупандин варар, Хазаррин варар, Варарин варар хьиз гьатнава. И шегьердин тарих патал дуьнедин алимрин арада физвай акъажунар къедалдини давам хьуниз килиг тавуна Урусатдин президентдин къарардалди цинин йисан сентябрдин 19-аз шегьердин 2000 йисаз талукьарнавай мярекатар кьиле фена. Мярекатриз гьазурвилериз са шумуд йис идалай вилик кьил кутунатIани хъсан гьазурвализ хьанвачир. Идазни гьар жуьредин себебарни хьуниз килиг тавуна кьилин себеб сад тир: Иеси бегьемди тушир.
19-аз шегьердин вири рекьер кIеви жедайди чиз зун Дербентдиз вацран 18-ан няниз атана. Пакам кьиляй экуьн яралай зун шегьердин чанда гьатна. «Пропуск» авач лугьуз зи машин шегьердин юкьваз акъайнач. Амай рехъ яхдиз атана акъатна Ленинан тIварунихъ галай шегьердин кьилин майдандал. Майдан элкъвез-элкъвез ракьара тунвай. Рехъ алай чкадилай къенез гьахьзавайбуру чпин «пропускар» къалурзавай. Нупа агакьайла за «Аламдин» весикъе къалурна.
— О… Баку… Куьбур къене ава. Са зенг ая, вазни пропуск гурай.
Зун кьулухъ элкъена, экъвез-экъвез виняй-агъуз Садлагьай Петран цIийиз ахъайзавай кIвал-музей галайнихъ атана. Инани крар “пропускрин” хивел аватнавайди акурла мад зун юбилейдин кьилин мярекатдиз фидай фикирдикай яргъаз хьана.
Гила зун Лезги Театр галай патахъ рекье гьатзава. Вуч хъсан тир, ина садазни пропускар канзавачир. Пропускар гвачир чи интелигенциядин веки­- лар Фейзунин Нагъиев, Азиз Мирзабегов ва мад са хейлибур ина кIватI хьанвай. Театрдин коллектив лагьайтIа, чпин программ кьилиз акъудун патал шегьердиз акъатна. Инал заз чир хьана хьи «Нерен къалада» жезвай кьилин концертдин програмдихъ Дагъустандин вири халкьарин манияр галаз хьайила лезгияр кутунвач. Вучиз ятIа и мярекатра заз республикадин чIехибурун чи културадиз авай къайивал акуна.
Мярекатар геждалди давам хьуниз килиг тавуна зун Баку галайнихъ рекье гьатна.

   

 

 

 

 

 

АЛАМВИ

Добавить комментарий

Ваш адрес email не будет опубликован. Обязательные поля помечены *